La Passem qu’a traucat Tarn !
La celèbra corruda de Gasconha qu’ei partida de Sant Sulpici dinc a Albi. 230 km corruts, dias e nueits, lo ligam a la man, los actors de la lenga que trauquèn 15 comunas.
La Passem qu’ei ua corruda solidara, collectiva, familiau, intergeneracionau per har córrer la lenga, per l’escotar, per l’enténer, per la cantar, per la partatjar, per arrecaptà’s la lenga nosta.
La Passem qu’ei un escambi e ua hèsta : que’s passam lo ligam de la transmission a l’entorn d’un eveniment esportiu e culturau.
D’autas corrudas qu’existeishen : la Korruka au País Basco, la Passem en Gasconha, la Redadeg en Bretanha, la Sprochrenner en Alsàcia, Corsa Aran per sa lenga, la Rith en Irlanda, la Ras yr lairh a Galas, la Correlengua en Catalonha, e la Correlingua en Galícia.
Totas e tots que corren per deféner la lenga, per la har víver.
Que’vs balhi rendetz-vos en 2026 per la Passem en Gasconha, que partirà de vath d’Aspa, capvath Bearn, Bigòrra, Comenge, Gèrs, e Lanas per har víver la cultura gascona.
Anem ! Correm ! Pichon, Pachon, La Passem !
Cristina Cazaubon e la còla
Laisser un commentaire