Uèi, fa bèl temps
De luna en luna,
De jorns en meses,
Lo temps que vira
Vaquí la prima!
Al còp que ven!
Arbres mòrts,
Vos cal embelir,
Verdir los païsatges,
Adocir lo decòr.
Colors mirgalhadas.
Odors de floretas,
Pimpanèla, cocurèla,
Daissatz-vos culhir.
Regalatz-vos dels cants,
Dels polits puputs
E balhatz-nos lo vam,
Perque, res es pas fotut !
(far de rimas tanben…)
E !
Per festejar la sason polida, del 21 cap al 25 de mai, se debanarà la fèsta de la natura, dins lo canton del Lodevés- Larzac.
D’animacions a gratis per totes son prepausadas :
– Jornada de l’environament sus las ribas del lac Salagó.
– « Istòrias d’aiga» : talhièrs, espectacles, e mercat de productors a St Estèva de Gorgàs.
– Caça al tresaur a Lodeva.
– «Fèsta natura» al tèrçlòc de Sant Maurise de Navacèlas.
E plan d’autres tanben.
Tot lo programa sus : www.tourisme-lodevois-larzac.fr
Paulina Sialelli e la còla .
Laisser un commentaire