Cossí va ? Va plan, Carnaval se sarra. Informacion ? Informi que Carnaval se sarra.
Qu’es vengut lo temps de totes los Carnavals de França e de Navarra : lo de Pau, que nos contèron lo.a.s amic.ga.s de Bearn, lo de Pesenàs que lo camarada nos a fait descubrir, los de las nòstras escòlas, moment central de la vida a Calandreta que sèm a aprestar.
Quin bon moment per celebrar las victòrias, coma l’arrèst de las òbras de l’A69, e per doblidar un momenton lo demai ! Mai que jamai l’òrdre establit se revèrsa, e tot va plan que plan se desvira : lo copable es cremat !
Alara reculhissèm las nòstras fòrças, nos balham lo vam e la nhaca de prima per continuar lo camin, dels examèns del master, dels estagis e dels rencontres divèrses.
En mai, que vos esperam pel collòqui de l’ISLRF sul ensenhament de las lengas regionalas en immersion los 21 e 22 de març a Carcassona !
Al plaser e kenavo !
Ps : E dins l’èime subversiu de Carnaval, traparetz pas aqueste còp las rubricas de bestiari ni mai de Camol’òc.
Naïg Bondon e la còla
Laisser un commentaire