Après ua fin d’annada cargada e las hèstas entà arrepausà’s, la còla que s’i torna, devath deu cèu biarnés. Un navèth seminari deslocalizat après lo de Tolosa. Au programa, descobèrta deu parçan e de la cultura biarnesa (shiulèra, botanica, musica e plan segur cantèra e vin) encontres PI, moments de partatge dab las PEE,… de qué balhà’s drin de vam tà entrar hens l’an navèth.
Lo noste camin que contunha e que n’èm a la debuta e sonque. Tot qu’ei enqüèra a descobrir, la tasca sembla immensa. Mes au briu deus mes, que començam de sentí’s mei anar mei adaise. Los mantuns paishèths qui atorejan la calandrina que l’ajudan a créisher de com cau (plan trobat aqueste nom…!). En chic de temps, que serà ad era d’ajudar los mainatges a pravar. «De l’aup italiana dinc a la mar grana», que s’i ved un hialat d’ajuda. Los administratius e las administrativas, los regents e las regentas encontradas, los e las paissèlas qui’ns segueishen, las familhas qui’ns arcuelhen… Mercés a tot.a.s de’ns sostiéner.
Que’vs desiram a tot.a.s ua bona annada, dab mei que tot la santat, pielar deu regent de Calandreta. Qu’esperam qu’aquera annada serà rica de projèctes dab los mainatges e que ve’n daratz ua !
Siatz los de qui cau e au plaser de v’encontrar dilhèu.
Matiàs Buzy e la còla
Laisser un commentaire