Lo mes mòrt es arribat. Mena amb el sa molonada de fuèlhas coloradas, son cèl blanc que se desquilha sus los puèges, sa chaminièra que petoneja (o la calefaccion electrica que ronrona…).
Mas, anem, tot n’es pas mòrt encara ! Un mes aprèp lo prumièr jornal, la còla torna per aquel segond numèro del ‘Quí quiriquí !
De Besièrs a Tolosa, la lenga ela es totjorn viva, sèm totjorn a parlar, totjorn a escriure.
Solament qualques jorns per veire las nòstras familhas, e i tornam.
N’avèm fach, de país ! De rotas tanben (que de còps vesèm sonque de nuèch…), de braves moments de cant partejats, a mantunas voses. De polits tempses de danças, en cercle, en linha e en colomna ! Entre intervencions de lenga, jòcs de dròlles, observacions de classa, e paisselatge benvolent, la formacion se persèc e nautres contunham d’APRENE.
Alavetz, coma disèm amont naut : «Chabatz d’entrar !»
Susana Guimont e la còla
Laisser un commentaire