Lo coneissètz ja benlèu, lo cafè Negrilhat, prumièr café 100% occitan pren de mai en mai de plaça sul mercat francés del cafè. Seriá pas estat de bon creire i a enquèra qualques annadas mès Occitania fa ara partida dels productors de café, amb per exemple Etiopia o Guatemala.
Negrilhat, coma la montanha Negra ont Guilhem Toreffe s’installèt en 2012 amb una idèia fòla : produsir del cafè. Originari de Saissac, lo jove entrepreneire, agronòme de formacion, s’escampèt dins l’aventura après 8 ans passats a trabalhar dins una proprietat de cafè, entre autres, dins la Sierrà Norte de Oaxaca, Mexic. Las condicions climaticas tipicas d’aqueste canton d’Aude, sa vegetacion ideala a l’ombratge necessari al desvolopament dels cafeièrs e son altitud ne fáun un endrech adaptat a aquesta cultura. Enfin, gaireben adaptat. L’ivèrn pòt enquèra èsser un pauc frech, alèra Toreffe agèt una idèia : collectar las paletas copadas del canton e las cramar dins los bòsques per manténer una temperatura favorabla. Una bona accion per l’environament e l’economia locala.
La produccion marcha plan dempuèi ja 3 ans e s’expòrta. Una brava capitada pel territòri. Alèra, Occitania, aime tanben ta color cafè !
Delfina Bruel e la còla
Laisser un commentaire