La fin

La darrèra setmana. Los darrèrs còps d’uelh aus lòcs familiars adara. Los darrèrs conselhs, qué de nau ?, talhèrs escacs,… Que’ns va caler pensar a díser adiu. Non pas desbrombar arrens, per’mor dilhèu ne’us vederam pas mei. Los «grans» qui se’n van créisher mei luenh, los qui ac an balhat tot e qui’s van poder arrepausar un drin, los qui tornaram de segur crotzar suu camin. Mes abans de’ns díser adiu, partir, sortir. Tres dias tà víver los darrèrs moments. Apréner enqüèra un drin suu mestièr, suus autes, sus se. Véder la classa interagir hens un mitan desconegut e explorà’u. Pujar au som deus malhòs, arrevirà’s e véder lo camin percorrut. Brembà’s deu monde qui’ns an ajudat a pujar. La Myriam, la Nadina, la Cathy, la Cecila, la Sofia, la Delfina, la Clara-Lina, la Bernà, la Sabrinà, lo Patric, lo Remèsi, la Chantal, la Carolina, la Stefania, lo Lionel, la Virginia, la Pascala, la Emilia, lo Jerôme, la Maria, la Amandina, la Dorotèa, lo J.-B., lo Pèire, lo Ricard, la Françina, lo Patrici, lo Xavi, lo Joan-Francés, lo Felip, la Maria-Anna, la Mirelha, la Isabèu, la Amelia, la Emà, la Marilon, la Marion, la Anaís, la Cloe. Un monde sancèr dedicat a l’escaduda de l’auseron qui ensaja d’envolà’s. Un monde de sostien indefectible fàcia aus dobtes d’ua annada en fòrma de montadevara. E abans de’ns díser adiu, partir, amassas. Dab los qui ac an viscut dab nosauts. Dab la Maria, matematiciana deu grop. Dab lo Tomàs, organizator en cap de hèstas e autas peregrinacions. Dab la Susana, dessenhaira de talent e jonglaira de mots. Dab la Lisa, fòrça tranquilla. Dab la Cristina, biarnesa au tranquillèr legendari. Dab la Fleurina, deu vilatge de Letzenaut. Dab la Paulina, votz cristallina. Dab la Delfina, saunejaira qui’ns mia dab era. Dab la Naïg, esperit liure e revendicatiu. Dab la Leà per la pensada. Adishatz. Qu’ei la fin. Adishatz. Qu’ei la debuta.

Matiàs Buzy e la còla