En pais velai, me dison «Artison». Sèi un acaride, vive dins las cavas de Lètge-Naut e me reprodusisse sobre un formatge tradicional que se sona : formatge aus artisons!
Es un formatge farjat amb de lait crut de vacha.
La fabricacion es la resulta de doas tiradas : aquela delh ser e aquela delh matin, d’una fermentacion naturala e l’apondi de presura. Un còp trabalhat puèi sechat, lo formatge se va afinar dins las cavas e dins aquelh encastre, rescontrarà aquelh animal microscopic.
Son vertadièr petiòt nom es «ciron» mas en occitan, l’an nomenat «artison». Se reprodusís fòrça lèu e aisadament dins un environament benaise. Trabalha sobre la crota delh formatge, cava sens s’arrestar e balha a la crota un aspèct particular.
Mercé aus artisons, aquelh formatge es unenc e emblematic dins lo territòri velai. Diriài mèsme que balhan una sabor particulara.
Delh temps d’una degustacion de formatge aus artisons, podètz observar las bèstias de mercé a un microscòpi.
Fleurina Sanouillet e la còla
Laisser un commentaire