Per fargar lo vòstre present auretz de besonh d’un pòt tampat, de sal, de farina, de chocolat, de cacau, de sucre, de levadura, de noses, de papièr e un boligraf e sobretot de paciéncia.
Mesclar 100 g de farina amb un 1/2 culhierat pichon de levadura e un pauc de sal.
Puèi, metre tot elh fons del pòt e tassar.
Apondre 100 g de cacau dins lo pòt e tassar.
Apondre 180 g de sucre e tassar.
Apondre 120 g de noses puèi 90 g de chocolat abochinat.
Tampar lo pòt e preparar una polida etiqueta amb los ingredients e çò que manca dins aquela preparacion.
Podètz tanben ornar lo tapador.
Ofrissètz lo vòstre present per las fèstas de fin d’annada. L’astruc aurà d’apondre 115 g de burre e 2 uòus per achabar la preparacion d’un pastisson de chocolat e noses. Puèi, deuvrà metre dins un plat e chaufar a 180 gras pendent 20 minutas.
Bon apetís !
Fleurina Sanouillet e la còla
Laisser un commentaire