Quand lo blat va plan, tot va plan !
Lo blat de l’esperança es una tradicion provençala que data de l’Antiquitat (quitament de la Preïstòria) e que consistís a semenar qualques grans de blat dins una copèla lo 4 de decembre, jorn de la Santa Barba.
Un còp grelhat e montat en èrba (signe de fertilitat e en consequéncia gatge de prosperitat per l’annada a venir), aquel blat tronarà sus la taula del ressopet de Nadal puèi demorarà dins l’ostal fins a la debuta de genièr.
Se lo blat contunha d’èsser bèl e verd en genièr, serà un bèl messatge d’espèr en de polidas recòltas e d’abondància.
Alavetz, cal anticipar ara e trapar de grans de blat dins vòstre granièr ! E lo 4 de decembre, prenètz una copèla, de coton trempe, metètz-i qualques grans de blat e fagatz viure la tradicion !
Maria Frigerio e la còla
Laisser un commentaire