Aquesta debuta de setembre de 2024, après un an sens formacion APRENE 1, una còla tota novèla e dinamica s’escampèt dins la formacion iniciala de las regentas Calandreta. Siam 12 la prumièra setmana, e perçò que la vida, de còps, nos mena pas tot drech, ara, nos trobam 10. Plan acompanhadas per Amandina e Dorotèa a la coordinacion pedagogica e administrativa, Joan-Batista velha sus la tecnica. Una vertadièira còla de formators e formatrises nos accompanha : Maria-Anna, Isabèu, Xavi, Patrici, Felip, Joan-Francés, Pèire, Richard e Francine. Agèrem tanben la vesita de Joan-Lois Blenet, lo president del moviment, e de Cristèla Simonato per la confederacion.
Dins la còla, sam 6 a faire lo master MEEF al meteis temps, sul siti de la Facultat d’educacion de Carcassona. Dempuèi la dintrada, passariam ja doas setmanas al centre de formacion APRENE de Besièrs, tres setmanas dins nòstra escòla de Responsabilitat Acompanhada, e una a Carcassona pels estudiants del master. Una annada plan lançada, amb un prumièr numerò de ‘Quiquiriquí que vos desiram tant agradiu de legir coma foguèt de bastir.
Bona lectura !
La còla Aprene-1 de 2024-2025
D’ esquerra a dreita :
Naïg Bondon – Leà Ramirez – Paulina Sialelli – Susana Guimont
Tomàs Guiraud – Matiàs Buzy – Maria Frigerio
Lise Kienemann – Delfina Bruel – Fleurina Sanouillet – Cristina Cazaubon
Laisser un commentaire