<\/p>\n\n\n\n
Lo minist\u00e8ri de la Cultura qu\u2019a validat ger ser un proj\u00e8cte un drin h\u00f2u. Apr\u00e8s la creacion deu Lovre de Lens e deu centre Pompid\u00f3 a Metz, que persegueish la soa volontat de miar la cultura aus franc\u00e9s t\u00e0 que non demore pas embarrada a Par\u00eds.<\/p>\n\n\n\n
Atau, en ac\u00f2rd dab lo capdulh de Fran\u00e7a, la tor Eiffel qu\u2019arriba a Tolosa ! En ef\u00e8it, la comuna parisenca que vien de votar la refeccion deu camp de Mars t\u00e0 ua mesa en conformitat dab las nav\u00e8ras r\u00e8glas gessidas deu XVIIau Gran\u00e8la de l\u2019Environament, qui enterina notadament un c\u00f2p per tostemps la limitacion de l\u2019utilizacion deus neonicotino\u00efdes a 1L per dia e per m\u00e8tre carrat quitament se ua part deus agricultors arroganha. Lo representant de la Federacion Nacionau deus Agricultors Pas Contents Per\u2019mor Que V\u00f2len Tribalhar Tranquilles (FNAPCPQVTT) qu\u2019ac a brembat : \u00abN\u2019\u00e8m pas contents, que <\/em>voler<\/em>e<\/em>m<\/em> poder tribalhar <\/em>tranquil<\/em>l<\/em>es<\/em> !<\/em>\u00bb (sic). Mes tornem au subj\u00e8cte. Per\u2019mor de l\u2019amplor d\u2019aquestes tribalhs, la tor ne p\u00f2t pas demorar en pla\u00e7a. L\u2019id\u00e8a qu\u2019\u00e8ra alavetz d\u2019enviar lo monument hens ua auta vila quauques temps t\u00e0\u2019n har profieitar los provinciaus. Qu\u2019ei la vila de Tolosa qui est\u00f3 retenguda au miei d\u2019un detzenat de candidatas. Lo proj\u00e8cte tolosan que has\u00f3 l\u2019unanimitat au demiei de la jurada per\u2019mor de mantun punt d\u2019excell\u00e9ncia. La localizacion de la tor sus la pla\u00e7a Sent-P\u00e8ir, au ras de Garona que li permeter\u00e9 de non pas estar tr\u00f2p despa\u00efsada puishque demora adara au ras de S\u00e8na. La pres\u00e9ncia de bars de rugbi pas tr\u00f2p luenh qu\u2019ajudar\u00e9 tanben, d\u2019apr\u00e8s lo dossi\u00e8r de candidatura, a miar a la cultura ua partida de la populacion qui n\u2019a pas acc\u00e8s de costuma ad aquera escaden\u00e7a. Mes l\u2019argument estarrocaire qu\u2019est\u00f3 l\u2019utilizacion de la tor au marge de las celebracions tolosencas. Qu\u2019aur\u00e9 segurament mei lo parat de vest\u00ed\u2019s de negre e roi t\u00e0 hestejar las vict\u00f2rias de l\u2019Estadi Tolosenc que de blu, blanc e roi t\u00e0 hestejar las vict\u00f2rias europencas deu PSG !<\/p>\n\n\n\n Las \u00f2bras granas t\u00e0 arcu\u00e9lher la tor Eiffel que van doncas comen\u00e7ar rapidament a Tolosa, \u00e7\u00f2 qui balhar\u00e0 un apercebut pro realiste de la vita parisenca. Contactats per la nosta redaccion, los e las tolosenc.a.s n\u2019an pas desirat resp\u00f3ner ad aquera informacion, probablament tr\u00f2p esmavuts.<\/p>\n\n\n\n