Apr\u00e8s ua fin d\u2019annada cargada e las h\u00e8stas ent\u00e0 arrepaus\u00e0\u2019s, la c\u00f2la que s\u2019i torna, devath deu c\u00e8u biarn\u00e9s. Un nav\u00e8th seminari deslocalizat apr\u00e8s lo de Tolosa. Au programa, descob\u00e8rta deu par\u00e7an e de la cultura biarnesa (shiul\u00e8ra, botanica, musica e plan segur cant\u00e8ra e vin) encontres PI, moments de partatge dab las PEE,… de qu\u00e9 balh\u00e0\u2019s drin de vam t\u00e0 entrar hens l\u2019an nav\u00e8th.<\/p>\n\n\n\n
Lo noste camin que contunha e que n\u2019\u00e8m a la debuta e sonque. Tot qu\u2019ei enq\u00fc\u00e8ra a descobrir, la tasca sembla immensa. Mes au briu deus mes, que comen\u00e7am de sent\u00ed\u2019s mei anar mei adaise. Los mantuns paish\u00e8ths qui atorejan la calandrina que l\u2019ajudan a cr\u00e9isher de com cau (plan trobat aqueste nom…!). En chic de temps, que ser\u00e0 ad era d\u2019ajudar los mainatges a pravar. \u00abDe l\u2019aup italiana dinc a la mar grana\u00bb, que s\u2019i ved un hialat d\u2019ajuda. Los administratius e las administrativas, los regents e las regentas encontradas, los e las paiss\u00e8las qui\u2019ns segueishen, las familhas qui\u2019ns arcuelhen… Merc\u00e9s a tot.a.s de\u2019ns sosti\u00e9ner.<\/p>\n\n\n\n
Que\u2019vs desiram a tot.a.s ua bona annada, dab mei que tot la santat, pielar deu regent de Calandreta. Qu\u2019esperam qu\u2019aquera annada ser\u00e0 rica de proj\u00e8ctes dab los mainatges e que ve\u2019n daratz ua !<\/p>\n\n\n\n