<\/p>\n\n\n\n
Gallarta qu\u2019ei ua comuna Espanh\u00f2la en la comunautat auton\u00f2ma deu Pa\u00eds Basco, au ras de Bilba\u00f2. Qu\u2019ei coneishuda pr\u2019amor qu\u2019ei situada au ras d\u2019anciana mina de h\u00e8r.<\/p>\n\n\n\n
Lo 5 de seteme, que hesteg\u00e8n la \u201cSAGARDO EGUNA\u201d, qu\u2019ei la hesta deu nav\u00e8th pomat.<\/p>\n\n\n\n
Aquesta annada peu purm\u00e8r c\u00f2p qu\u2019i an\u00e8i dab los chancaires de San P\u00e8 de L\u00e8ren. Tots que\u2019m dig\u00f3n: \u201cQue veder\u00e0s qu\u2019ei un dia memorable\u201d.<\/p>\n\n\n\n
Arron tres \u00f2ras de bus, que comenc\u00e8m lo dia per un passacarr\u00e8ra de tots los grops musicians apelhats de costumes tradicionaus : que i podom v\u00e9der grops bascos, espanh\u00f2us e gascons blow up party tents<\/a>.<\/p>\n\n\n\n Nosautes dab las chancas, las bohas, las flabutas, los clarins, los tamborins, las vi\u00e8las, los acordeons e los cantadors que barr\u00e8m lo cort\u00e8gi. Que hasom \u201cg\u00fceitadoras de la nueit\u201d e \u201clhevatz p\u00e8\u201d.<\/p>\n\n\n\n Arribats a la pla\u00e7a, la gostada deu nav\u00e8th cidre que p\u00f2t comen\u00e7ar. Qu\u2019\u00e8ra lo moment de har lo shuc de pomas, e de\u2019u tastar.<\/p>\n\n\n\n Pendent lo sopar abond\u00f3s, los grops de cada region que s\u2019i has\u00f3n a h\u00e0-ns dancar dab la musica loa.<\/p>\n\n\n\n Apr\u00e8s que causii d\u2019anar v\u00e9der lo conc\u00e8rt d\u2019Elimberri. Qu\u2019ei un grop basc\u00f2-gascon. D\u2019autes que s\u2019estim\u00e8n mei anar har chancas sus la pla\u00e7a.<\/p>\n\n\n\n Lo ser que s\u2019acab\u00e8 per un gran bal dab Lorratz Erromeria. Que siam gascon, basco o espanh\u00f2u, tots que dan\u00e7an amassa.<\/p>\n\n\n\n Qu\u2019av\u00f3n rason : B\u2019\u00e8ra un dia memorable. La descob\u00e8rta de las autas culturas ei rica e vertaderament interessanta. Dab la musica e la canta, que\u2019s compren\u00e8m !<\/p>\n\n\n\n Lo tornar en bus qu\u2019est\u00f3 drin tapatj\u00f3s, pr\u2019amor de\u2019us qui contunh\u00e8n de cantar, mentre que los autes ensag\u00e8n adrom\u00ed\u2019s.<\/p>\n\n\n\n Cristina Garcia Cazaubon e la c\u00f2la.<\/p>\n\n\n